लातूरच्या न्यायालयीन इतिहासात नवा अध्याय : MCOCA प्रकरणात सलग दुसऱ्यांदा जामीन, ॲड. प्रतीक कांबळे यांची ठोस कायदेशीर कामगिरी

 

लातूर | प्रतिनिधी :

लातूरच्या न्यायालयीन इतिहासात आणखी एक महत्त्वाचा आणि ऐतिहासिक क्षण नोंदवला गेला आहे. अत्यंत कठोर मानल्या जाणाऱ्या MCOCA (महाराष्ट्र संघटित गुन्हेगारी नियंत्रण अधिनियम) अंतर्गत दाखल गुन्ह्यात सलग दुसऱ्यांदा जामीन मंजूर होण्याचा मान पुन्हा एकदा ॲड. प्रतीक कांबळे यांना मिळाला आहे. विशेष MCOCA जिल्हा व सत्र न्यायालय क्रमांक 1, लातूर येथे दि. 14 फेब्रुवारी 2026 रोजी हा जामीन मंजूर करण्यात आला.

लातूर ग्रामीण पोलीस स्टेशन येथे दाखल असलेल्या बहुचर्चित ‘मोक्का’ (MCOCA) गुन्ह्यातील आरोपीच्या वतीने Adv. PK & Associates, Latur यांच्या माध्यमातून ॲड. प्रतीक व्ही. कांबळे यांनी हा जामीन अर्ज दाखल केला होता. या अर्जावर न्यायालयाने सविस्तर सुनावणी घेत आरोपीच्या बाजूने सखोल, अभ्यासपूर्ण आणि मुद्देसूद कायदेशीर युक्तिवाद ग्राह्य धरत जामीन मंजूर केला.

MCOCA हा कायदा अत्यंत कडक स्वरूपाचा असून, या कायद्यांतर्गत जामीन मिळवणे हे कायदेशीरदृष्ट्या मोठे आव्हान मानले जाते. संघटित गुन्हेगारी, गंभीर स्वरूपाचे आरोप आणि कठोर तरतुदी यामुळे अशा प्रकरणांमध्ये आरोपीला दिलासा मिळणे दुर्मिळ ठरते. मात्र, ॲड. प्रतीक कांबळे यांनी कायद्याच्या चौकटीत राहून, पुराव्यांचे बारकाईने विश्लेषण करत आणि प्रक्रियात्मक त्रुटी न्यायालयाच्या निदर्शनास आणून देत आरोपीच्या बाजूने ठोस युक्तिवाद मांडला.

विशेष बाब म्हणजे, लातूरच्या न्यायालयीन इतिहासात मोठ्या MCOCA प्रकरणात जामीन मंजूर होण्याची ही दुसरी वेळ असून, यापूर्वीही दि. 5 डिसेंबर 2025 रोजी अशाच एका MCOCA प्रकरणात जामीन मंजूर झाला होता. त्या वेळीही हा मान ॲड. प्रतीक कांबळे यांनीच मिळवून दिला होता. सलग दुसऱ्यांदा अशा कठीण कायद्यात जामीन मिळवून देणे ही त्यांच्या कायदेशीर कौशल्याची, अभ्यासाची आणि अनुभवाची साक्ष देणारी कामगिरी मानली जात आहे.

या प्रकरणात न्यायालयाने आरोपीविरोधातील कागदपत्रे, तपास यंत्रणेचा अहवाल, साक्षीदारांचे स्वरूप, तसेच MCOCA लागू करण्यासाठी आवश्यक असलेल्या कायदेशीर निकषांचा सखोल विचार केला. यामध्ये आरोपीविरोधात प्रथमदर्शनी MCOCA लागू करण्यासाठी आवश्यक असलेली ठोस साखळी पूर्णपणे सिद्ध होत नसल्याचे मुद्दे प्रभावीपणे मांडण्यात आले. न्यायालयाने या युक्तिवादांना महत्त्व देत आरोपीला दिलासा दिला.

या संपूर्ण न्यायप्रक्रियेत ॲड. महेबुब घंटे, ॲड. रमाक जोगदंड, ॲड. प्रीतम कांबळे, ॲड. प्रवीण कांबळे आणि ॲड. सौरभ पाटील यांचेही मोलाचे कायदेशीर सहकार्य लाभले. सर्व सहकारी वकिलांच्या समन्वयातून आणि सखोल तयारीतून हा महत्त्वपूर्ण निकाल साध्य झाल्याचे सांगण्यात येत आहे.

कायदा आणि न्यायव्यवस्थेवर विश्वास ठेवत, कोणत्याही दबावाशिवाय न्यायालयात ठामपणे बाजू मांडणे ही वकिली व्यवसायाची खरी ओळख आहे. ॲड. प्रतीक कांबळे यांनी हीच ओळख या प्रकरणात पुन्हा एकदा अधोरेखित केली आहे. कठोर कायद्यांच्या चौकटीतही कायदेशीर हक्कांचे संरक्षण शक्य आहे, हा संदेश या निकालातून स्पष्टपणे मिळतो.

या निर्णयामुळे लातूर जिल्ह्यातील कायदेविषयक क्षेत्रात मोठी चर्चा सुरू झाली असून, ॲड. प्रतीक कांबळे यांच्या या कामगिरीचे सर्व स्तरातून कौतुक होत आहे. MCOCA सारख्या गंभीर कायद्यात सलग दोन वेळा जामीन मिळवून देणे ही केवळ वैयक्तिक यशाची बाब नसून, लातूरच्या न्यायालयीन इतिहासातील एक महत्त्वपूर्ण टप्पा ठरला आहे.